204֊րդ ՄԵՆՔ֊ականը Արփինե Լևոնի Առաքելյանն է

Ծնվել է 1976թ դեկտեմբերի 19-ին Լոռու մարզի Վանաձոր քաղաքում (նախկինում՝ Կիրովական): 1993թ-ին ավարտել է Հ. Թումանյանի անվան N 3 միջնակարգ դպրոցը:

Ավարտել է մի քանի բարձրագույն ուսումնական հաստատություն՝ ստանալով

• հայոց լեզվի և գրականության ուսուցչի որակավորում

• ֆրանսերեն լեզվի և գրականության ուսուցչի որակավորում

• սոցիալական մանկավարժի որակավորում

• օլիգոֆրեն մանկավարժի որակավորում :

Չբավարարվելով միայն մանկավարժի մասնագիտությամբ՝ սովորել և ավարտել է SSB Academy օնլայն համալսարանի թվային մարքեթինգի բաժինը:

Աշխատանքային կենսագրությունը

1999-2003 թթ և 2018թ-մինչ օրս - Վանաձորի Հ. Թումանյանի անվան N 3 հիմնական դպրոց՝ որպես ֆրանսերեն լեզվի ուսուցիչ

2019թ- մինչ օրս Երևանի թատրոնի և կինոյի պետական ինստիտուտի Վանաձորի մասնաճյուղ՝ որպես ֆրանսերեն լեզվի դասախոս

2007-2020թթ ՀՀ Վիճակագրական պետական կոմիտեի Լոռու մարզային վարչություն՝ որպես ավագ մասնագետ

2020թ-մինչ օրս ՀՀ ԿԳՄՍՆ Պատմամշակութային արգելոց-թանգարանների և պատմական միջավայրի պահպանության Լոռու մարզային ծառայություն՝ որպես պետի տեղակալ

Լեզուների իմացությունը

Հայերեն, ֆրանսերեն, ռուսերեն։

Ամուսնացած է, ունի երեք դուստր:

Նրա համար հայրենիքը սկսում է իր ընտանիքից, հարազատներից, մտերիմներից ու իր շրջապատից: Հետո շարունակվում է իր պատմությամբ, իր հավատքով, իր շնչով, իր ոգով, հող ու ջրով:

<<Սա է իմ հայրենիքը ու ես չեմ կարող չսիրել այն: Ես հպարտ եմ, որ հայ եմ, հպարտ եմ,որ ապրում եմ Հայաստանում և խոսում հայերեն>>: