Վառվեց Վանաձոր համայնքի Հայքի հարապարակի տոնածառի լույսերը
25.12.2016
Sunday, December 25, 2016
Saturday, December 17, 2016
ՇԱՏ ՇՆՈՐՀԱԿԱԼՈՒԹՅՈՒՆ ԲՈԼՈՐ ՄԵՐ ՆԿԱՐԸ ՀԱՎԱՆՈՂՆԵՐԻՆ ....
ՄԵՆՔ ՀԱՂԹԵՑԻՆՔ
Հայաստանում նորածինների միայն 35%-ն է բացառապես կրծքի կաթով սնվում. ՅՈՒՆԻՍԵՖ-ի ներկայացուցիչ
24 նոյեմբերի, 14:13
Հայաստանում նորածինների միայն 35%-ն է կյանքի առաջին 6 ամիսներին բացառապես կրծքի կաթ ստանում: Այս մասին լրագրողների հետ զրույցում հայտնել է Հայաստանում ՄԱԿ-ի Մանկական հիմնադրամի (ՅՈՒՆԻՍԵՖ) ներկայացուցիչ Տաննյա Ռադոչայը:
«Դա, իհարկե, չափազանց քիչ է: Մենք կարծում ենք, որ ավելի շատ երեխաներ պետք է կյանքի առաջին ամիսներին բացառապես կրծքի կաթ ստանան, քանի որ մոր կաթը լավագույն սնունդն է երեխայի համար»,- ասել է Տանյա Ռոդիչայը:
Նրա խոսքով՝ երեխաներին կրծքով կերակրելու խնդիրն այսօր արդիական է աշխարհի բոլոր զարգացած եւ զարգացող երկրներում. բազմաթիվ մայրեր իրենց երեխաների արհեստական սնունդ են տալիս՝ չհասկանալով, որ կրծքով կերակրելն ավելի օգտակար է ինչպես երեխայի, այնպես էլ մոր առողջության համար: 1960-70-ական թվականներին ակտիվորեն գովազդում էին արհեստական խառնուրդները՝ դրանք ներկայացնելով որպես օգտակար սնունդ, որը մայրական կաթից ավելի լավ է: Ավելի ուշ՝ 1980-ականներին, մասնագետները սկսեցին նկատել, որ այն երեխաները, որոնց այդ խառնուրդներով են կերակրել, թույլ առողջություն են ունեցել, դանդաղ զարգացում, ինչպես նաեւ տարբեր ալերգիաներ, որոնք ավելի հազվադեպ են կրծքով կերակրված երեխաների մոտ:
Այսպիսով՝ մասնագետները սկսել են հասկանալ, որ այդքան շատ գովազդվող արհեստական խառնուրդներն օգտակար չեն երեխայի համար, իսկ լավագույն սնունդն այն է, որը նախատեսված է բնության կողմից:
«Հիմա մենք կարծում ենք, որ դա (մանկական արհեստական խառնուրդների առաջխաղացումը) մարդկության վրա խոշորագույն գիտափորձ էր, արհեստական խառնուրդների ներդրումը մի շարք բացասական հետեւանքների հանգեցրեց: Այդ պատճառով այսօր մենք քարոզում ենք այն, ինչը բնական է եւ գալիս է դարերի խորքից: Կրծքով կերակրելը բնական, բայց ոչ պարզ գործընթաց է, այդ պատճառով կրծքով կերակրել ցանկացող երիտասարդ մայրերին աջակցություն է հարկավոր»,- նշել է մասնագետը:
Վերջին 20-25 տարիների ընթացքում միջազգային կազմակերպություններն ու երկրների իշխանությունները տարբեր ծրագրեր են իրականացնում, որոնց նպատակն է՝ այնպես անել, որպեսզի ավելի շատ երեխաներ կյանքի առաջին ամիսների ընթացքում բացառապես կրծքի կաթ ստանան: Հայաստանում իրականացված նման ծրագրերից է ՅՈՒՆԻՍԵՖ-ի, Հայաստանի առողջապահության նախարարության եւ «Ընտանիքի ակադեմիա» հասարակական կազմակերպության «Կրծքով կերակրման հաղթարշավը» համատեղ նախագիծը: Այն իրականացվել է Հայաստանի չորս մարզերում՝ Շիրակում, Լոռիում, Արարատում եւ Արմավիրում, ինչպես նաեւ մայրաքաղաք Երեւանում:
Ծրագրի շրջանակում «Կրծքով կերակրման ընկերը» խորագրով մրցույթ է կազմակերպվել մասնագետների համար, կերակրող մայրերի լուսանկարների մրցույթ, որում հաղթողների լուսանկարերով պաստառները փակցվելու են բուժկենտրոններում, պոլիկլինիկաներում եւ Երեւանի ու այլ քաղաքների արտաքին գովազդային վահանակներին: Ծրագրի շրջանակում նաեւ «Էրեբունի» ԲԿ-ում վերջերս կրծքով կերակրելու կաբինետ է բացվել, որտեղ հղիներն ու վերջերս ծննդաբերած կանայք կարող են անհրաժեշտ գիտելիքներ ստանալ կրծքով կերակրելու մասին:
Ծրագրի կազմակերպիչները նշել են, որ որպես հիմնական փորձագետներ (բացի բուժաշխատողներից, իհարկե) ներգրավել են երիտասարդ մայրերի, որոնք ավելի լավ գիտեն, թե կանայք ինչ խնդիրների կարող են բախվել կրծքով կերակրելու ժամանակ, եւ ինչպես կարելի է լուծել դրանք: Այս մայրերի խորհուրդներն ու նրանց անձնական օրինակը շատ կանանց կարող են խթանել՝ իրենց երեխաներին կրծքով կերակրել, որպեսզի նրանց համար լավագույն իմունիտետն ապահովեն ամբողջ կյանքի ընթացքում:
Saturday, November 12, 2016
Thursday, November 3, 2016
Monday, September 26, 2016
Subscribe to:
Posts (Atom)