Վանաձորի Ա.Ս.Պուշկինի անվան  4 հիմնական դպրոցի 

5 Ա դասարանի աշակերտների հյուրերն են իրենց տատիկները 

Վանաձորի Ալ. Ս. Պուշկինի անվան համար 4 հիմնական դպրոցում այս անգամ հյուրընկալվել էին 5 ա դասարանի աշակերտների տատիկները: Դասվար Հեղինե Մելիքյանի նախաձեռնությամբ սաներն այս անգամյուրահատուկ ձևով գովերգելու էին իրենց սիրելի տատիկներին:

Սա <Բարին արա> բարեգործական ծրագրի շրջանակներում իրականացվող առաջին միջոցառումն էր:

Երկար կյանքի ընթացքում բազում դժվարություններ տեսած ու փորձություններ հաղթահարած, տարիներ ապրած ու մեծամասամբ ճերմակած սիրելի տատիկների առջև ելույթ ունենալը պարզվեց այդքան էլ դյուրին գործ չէ: Թեև աշակերտները մեծ պատասխանատվությամբ էին մոտեցել ու պատրաստվել, բայց միևնույնն է նրանց շուրթերից հնչած յուրաքանչյուր բառի մեջ հուզմունք կար:

Այդուհանդերձ երեխաները շատ գեղեցիկ խոսքեր ուղղեցին իրենց սիրելի տատիկներին` հաճելի հուզմունքպատճառելով նրանց: Հնչեցին երգեր և բանաստեղծություններ, բարեմաղթանքներ:

Այս դասարանում պարզվեց շնորհաշատ բազմաթիվ երեխաներ կան: Տատիկներից շատերի աչքերը մի պահ առավել փայլատակեցին, երբ թոռնիկներն իրենց իսկ գրած քառատողերը նվիրեցին:

Հայկական ու ժամանակակից պարերի բեմադրությամբ տոնական օրն ավելի տպավորիչ ու անմոռանալի դարձավ:

Ի դեպ Տատիկները դատարկաձեռն չէին եկել սիրելի ու իրենց կյանքի այս հատվածը ջերմությամբ լցրած թոռնիկներիմոտ: բերել էին ծաղիկներ, քաղցրավենիք, միրգ, որն էլ տոնական օրվա ավարտին բաժանեցին երեխաներին: Ապա հիասքանչ օրվա համար շնորհակալություն հայտնեցին դասվար Հեղինե Մելիքյանին, դպրոցի տնօրինությանը, աշակերտներին ու ծնողներին:

Իսկ ինչը կարող է տատիկի համար թանկ լինել, եթե ոչ իր թոռնիկից ստացած նվերը: Միջոցառման վերջումաշակերտները իրենց պատրաստած բացիկները նվիրեցին՝

իրենց սերն ու նվիրումն արտահայտելով տատիկներին:

ԱՇՈՒՆ Է Վանաձորի թիվ 19 ՆՈՒՀ-ում