Լուսավորվեց եւս մի մի քանի փողոց
ֆՈՏՈՇԱՐՔԸ ԻՄ  ))))))))))))))

Գիշերային լուսավորություն կունենան Վանաձորի

Տարոն 1, 2, 3 և 4, Տավրոս թաղամասերի բանուկ փողոցները

ԱՄՆ ՄԶԳ ֆինանսավորմամբ <Քաունթերփարթ ինթերնեյշնլ> կազմակերպության հայաստանյան ներկայացուցչության կողմից իրականացվող <Համայնքային զարգացմանն ուղղված ՏԻՄ խրախուսման դրամաշնորհային ծրագրի> շրջանակներում, Վանաձորի քաղաքապետարանի համատեղ ներդրմամբ մարզկենտրոնում իրականացվել է Տարոն 1, 2, 3 և 4, Տավրոս թաղամասերի բանուկ փողոցների գիշերային լուսավորության անցկացման ծրագիրը:

Նոյեմբերի 16-ին Վանաձորի քաղաքապետ Սամվել Դարբինյանի, քաղաքապետարանի աշխատակիցների և <Քաունթերփարթ ինթերնեյշնլ> կազմակերպության ներկայացուցիչների մասնակցությամբ տեղի ունեցավ բացման հանդիսավոր արարողություն: Այսուհետ լուսավորված կլինեն նաև նշված թաղամասերի 6 փողոցներ, մասնավորապես` Տավրոսի առաջին փողոցը, Տարոն 4 թաղամասի վերջին կանգառից դեպի Բելառուսական 12 Ա շենք տանող հատվածը, Սեբաստիա, Զեյթուն փողոցները, Տարոն 1 թաղամասը և Տավրոսի 18-րդ փողոցը միացնող հատվածը, Տարոն 2 ՔՇՀ-3, թիվ 67-31 շենքերի հարավային մասը: Նշված փողոցները գիշերային լուսավորությամբ ապահովելը խիստ անհրաժեշտություն էր, քանի որ այստեղով անցնում է 5 երթուղային գծի 33 երթուղային միկրոավտոբուս, որոնք յուրաքանչյուր օր տեղափոխում են 3000-4000 մարդ: Մոտավոր հաշվարկներով՝ նշված փողոցներով օրական անցուդարձ է անում կամ մեքենայով երթևեկում շուրջ 14 հազար բնակիչ: <Քաունթերփարթ ինթերնեյշնլի> ներդրումը կազմել է 6 մլն 200 հազար դրամ, քաղաքապետարանի ներդրումը՝ 5 մլն 953 հազար 200 դրամ գումարային և 240 հազար դրամ՝ ոչ գումարային տեսքով:

Ծրագիրը համառոտ ներկայացրեց Վանաձորի քաղաքապետարանի ծրագրերի և արտաքին հարաբերությունների բաժնի պետ Սուրեն Կարապետյանը:

Ողջույնի խոսքով հանդես եկավ և թաղամասերի բնակիչներին շնորհավորեց քաղաքապետ Սամվել Դարբինյանը:

-Քաղաքապետարանի և թաղամասերի բնակիչների անունից ուզում եմ շնորհակալություն հայտնել աջակցող միջազգային կառույցներին՝ նմանատիպ նախաձեռնության համար և ուզում եմ վստահեցնել, որ քաղաքապետարանը պատրաստ է ներդրումներ կատարելու յուրաքանչյուր նմանատիպ ծրագրի շրջա- նակներում,- ասաց նա:

<Համայնքային զարգացմանն ուղղված ՏԻՄ խրախուսման դրամաշնորհային ծրագրի> ղեկավար Հայաստան Ստեփանյանն իր հերթին կարևորեց ծրագրի իրականացումը Վանաձորի ծայրամասային թաղամասերում, ողջունեց քաղաքապետարանի պատրաստակամությունը և վստահեցրեց, որ աշխատանքները շարունակական կլինեն, իսկ հետագայում ավելի տարողունակ ծրագրեր կիրականացվեն մարզկենտրոնում:

Ֆոտոշարքը Լ.ՅՈԼՉՅԱՆԻ

Տեքստը Ա. ԳԱՍՊԱՐՅԱՆԻ