Խոր ցավով տեղեկացնում ենք, որ կյանքից անժամանակ հեռացել է Վանաձոր համայնքի ավագանու անդամ, բժիշկ- հոգեբույժ, հասարակական-քաղաքական գործիչ` Գայանե Սեյրանի Քալանթարյանը։

Գայանե Քալանթարյանը ծնվել 1951 թվականի մարտի 22-ին ք․ Կիրովականում, մանկավարժների ընտանիքում:

Ոսկե մեդալով ավարտել է Կիրովականի Գրիբոյեդովի անվան թիվ 11 միջնակարգ դպրոցը։

1974թ. ավարտել է Երևանի պետական բժշկական ինստիտուտի բուժական ֆակուլտետը, այնուհետև ուսանել ինտերնատուրայում, ստացել բժիշկ-հոգեբույժի որակավորում:

1975թ. աշխատանքի է ընդունվել Կիրովականի միջշրջանային հոգենյարդաբանական դիսպանսեր որպես բժիշկ-հոգեբույժ:

1993թ.-ից աշխատել է Լոռու մարզային հոգենյարդաբանական դիսպանսերի գլխավոր բժիշկ, այնուհետև մինչև 2019թ.` տնօրեն, ապա աշխատել էր որպես բժիշկ-հոգեբույժ:

1993թ. եղել է մարզի գլխավոր հոգեբույժը:

1999-2002թթ․ եղել է Վանաձոր համայնքի ավագանու առաջին և միակ կին անդամ,

2005թ․-ից ավագանու անդամ:

2000թ. Հայաստանի հոգեբույժների և թմրաբանների ասոցիացիայի անդամ։

2010թ. Հայկական հոգեբույժների ասոցիացիայի վարչության անդամ:

2001-2003թթ Վանաձորի Հատուկ կարիքներով երեխաների ուսուցման համայնքային կենտրոնի ղեկավար:

2004թ. քաղաքապետարանին կից Անչափահասների հոգաբարձության և խնամակալության հանձնաժողովի անդամ։

2006թ. Առողջապահության ազգային ինստիտուտում դասավանդել է հոգեբուժություն` ընտանեկան բժիշկներին:

2006թ. Վանաձորի Հովհ.Աբելյանի անվան դրամատիկական թատրոնի գեղարվեստական խորհրդի անդամ:

2011թ. Վանաձորի Հովհ.Թումանյանի անվան թիվ 3 դպրոցի կառավարման խորհրդի անդամ:

Որպես հոգեբուժական լավագույն հաստատություններից մեկի ղեկավար, տարբեր միջազգային առողջապահական և իրավապաշտպան կազմակերպությունների հրավերներով մասնակցել է գիտաժողովների և դասընթացների ԱՄՆ-ում, Անգլիայում, Շոտլանդիայում Չեխիայում, Շվեյցարիայում և այլ երկրներում:

Ակտիվ մասնակցություն է ունեցել Վանաձորի հասարակական և քաղաքական կյանքին: