ՀԱՎԵՍԻՆ ՍԵՆՅԱԿԸ
Հասավ մարզկենտրոն Վանաձոր և ի ուրախություն բոլորին՝ Վանաձորի Խ. Աբովյանի անվան թիվ 9 հիմնական դպրոց:
Հավեսին սենյակի գաղափարը առաջացել է դեռևս 7 տարի առաջ: Այն իրականություն է դարձել ,, Հայ Ձմեռ Պապ ,, բարեգործական հիմնադրամի բարերարների անմիջական օգնության շնորհիվ:
Ծրագիրը հիմականում սահմանամերձ գյուղերի դպրոցների երեխաների օրն է գունեղ դարձնում: «Հավեսին սենյակների ցանց» ծրագրով 5 հարթակ է բացվել Տավուշի մարզի Վազաշեն, Վայոց Ձորի մարզի Խաչիկ, Արարատի մարզի Զորակ, Գեղարքունիքի մարզի Լուսակունք գյուղերում ևԱրմավիրի թիվ 10 ներառական դպրոցում: Սահմանամերձ գյուղերի Հավեսին սենյակների՝ թագավարակի և պատերազմի պատճառով դանդաղած աշխատանքներն այժմ վերագործարկման փուլում են։
Այս անգամ բարեգործական կազմակերպությունը համագործակցեց Մոդեսթ ֆլայ արթ» կազմակերպության հետ : Եվ քանի որ բարերար Իռեն Ծատուրյանը բնիկ վանաձորցի է և հենց այս դպրոցն են հաճախել իր տատիկն ու պապիկը , նկարչուհին որոշեցի իր ներդրումն ունենալ հարազատ կրթօջախում:
Հավեսին սենյակը այն կրեց երջանկահիշատակ Եղիսաբեթ և Սարգիս Ծատուրյանների անունը։
Ըստ Իռեն Ծատուրյանի խոսքերի նա պատրաստ է նկարչական խմբակի մանկավարժի հետ անցկացնել վարպետաց դասեր , որ այս դպրոցի աշակերտները լինեն գրագետ արվեստագետներ:
Իռենը նաև նկատել էր դպրոցի սաների արվեստին մոտ լինելը, քանի որ միջանցքում փաքցված էին աշակերտների ձեռքի աշխատանքները, որոնք չվրիպեցին նկարչուհու աչքից:
Պաշտոնական մասից առաջ Իռենը իր ամուսնու և դուստրերի հետ կահավորեցին , բոլոր անհրաժեշտ գույքը տեղադրեցին և դպրոցի մանկավարժների օգնությամբ պատերին փակցերցին իր իսկ աշակերտների ձեռքի աշխատանքները: Ներկա աշակերտներին խոստացավ , որ ցուցահանդեսները կլինեն շարունակական:
«Հայ Ձմեռ պապ» բարեգործական հիմնադրամի տնօրեն Արմենուհի Պետրոսյանը համառոտ ներկաներին ներկայացրեց բարեգործական հիմնադրամի անցած ճանապարհը , դժվարությունները և միաժամանկ հիացմունքի խոսքեր հղեց Վանաձորի թիվ 9 հիմն. դպրոցի տնօրեն Անահիտ Վարդանյանին՝ պատրաստակամ լինելու և այս լուսավոր Հավեսին սենյակը ունենալու համար ջանքեր չխնայելու համար:
Ֆիլմերի շարքերի մջոցով ներկաները ծանոթացան ծրագրի գործունեության մասին:
Իսկ դպրոցի աշակերտների մի խումբ, չնայած ամառային արձակուրդներին, ներկա էին այս գեղեցիկ արարողությանը և անհամբեր սպասում են նոր ուսումնական տարվա գալուստին , որպեսզի և՛ նկարեն, և՛ ստանան բարերաների կողմից տրամադրված նվերները
Արմենուհի Պետրոսյանը, Իռեն Ծատուրյանը իրենց հետ տարան երեխաների աչքերի փայլը, իսկ Անահիտ Վարդանյան ուրախ է , որ այս դժվար օրերին նման լուսավոր ծրագիր մտավ իր դպրոց:
Հուլիսի 31 . 2023 թ
No comments:
Post a Comment