Լուսինե Շեկոյանը իր առաջին դասղեկական դասարանի՝ 9-րդ ,,Բ,, -ի աշակերտներին ճանապարհեց դեպի ավագ դպրոց:
Լուսավոր, վերանորոգված դահլիճում հնչեց 9-րդ ,,Բ,, դասարանի Վերջին զանգը: Աշակերտները իրենց երախտիքի խոսքերը հղեցին դասվարին:
9տարի առաջ այս երեխաներին դպրոց ընդունեց տնօրեն Կարինե Աթոյանը , անցումային շրջանը անցկացրեց տնօրեն Կարինե Մարգարյանը, իսկ նոր կյանք ճանապարհեց նորանշանակ տնօրեն Նաիրա Բարիկյանը:
Աշակերտների հուզիչ գեղեցիկ խոսքերից հետո հնչեցին հայկական երգն ու պարը և շնորհակալական խոսքերը բոլոր այն ուսուցիչներին ովքեր մի կաթիլ թեկուզ գիտելիք են տվել նրանց:
Սիրելի դասղեկը, ով աշխատում է Վանաձորի թիվ 20 դպրոցում արդեն 7 տարի, իր առաջին դասղեկական դասարանում նաև դասավանդել է աշխարհագրություն և առարկայից բացի նրանց նաև տվել է կյանքի դասեր:
Վերջին զանգի դահլիճային արարողությունից հետո դպրոցի բակում կատարվեց տողանի արարողություն: Հնչեցին 2022-2023ուստարվա բոլոր ասպարեզներում առաջընթաց ունեցած աշակերտների անունները: Այնուհետև կատարվեց ծաղիկների զետեղման արարողություն հերոսների պուրակում: Բակում դպրոցի 9-րդ ,,ա,, եվ ,, Բ ,, դասարանների դասղեկների կողմից հնչեց 2023 թվական ուստարվա ավարտի վերջին զանգը:
Վերջում ընկեր Շեկոյանը իր երեխաների հետ խաղաղության փուչիկներ բարձրացրեց օդ՝ ի նշան խաղաղ պատանեկության:
Ֆոտոշարքը և տեսաֆիլմը Միլենա Մանուկյանի:
No comments:
Post a Comment