«Կարատի» և «Քարաբերդի» կռիվը Լեռնապատում-2
05 Մարտի 2012 - 11:41
Փետրվարի 17-ին գրել ենք, որ Լոռու մարզի ընդհանուր իրավասության դատարանում քննվում է գործ ընդդեմ «Կառատ» ընկերության տնօրեն Սամվել Հարությունյանի:
http://www.haynews.am/hy/lernapat
2011 թվականի օգոստոսին նրան կալանավորել են` ապօրինի ձեռնարկատիրական գործունեություն ծավալելու մեղադրանքով, հետո ազատ արձակել, բայց մեղադրանքը թողել անփոփոխ: Ըստ գործարարի, իրեն հալածում են Լեռնապատ համայնքում երկրորդ հանքավայրը շահագործելու պատճառով: «Ես փորձել եմ Լոռու մարզում բացել նոր հանքավայր, մինչև հիմա եղել է ընդամենը մեկը, որը շրջանում մոնոպոլ դեր է ունեցել: «Քարաբերդ» ընկերությունը ի դեմս ձեռնարկատեր Արտաշես Թումանյանի հասկանալով, որ երկրորդ հանքը իրեն մոնոպոլիայից կզրկի, կեղծիքների միջոցով կազմակերպել է հարկային ստուգումներ, թյուրիմացության մեջ գցել հարկային մարմնին, նպաստել քրեական գործի հարուցմանը և խանգարել երկրորդ հանքի բացմանը»,- ասում է Սամվել Հարությունյանը: 1997 թվականին «Կառատ» ընկերությունը հիմնադրած Սամվել Հարությունյանը մինչ այդ «Քարաբերդ» ընկերության տնօրենն է եղել և ասում է, որ իրեն աշխատանքից ազատել են, որ աշխատողներին ստիպեն կեղծ բացատրություններ տալ:http://www.haynews.am/hy/lernapat
Դատարանը հարցաքննել է խառատ-բանվորներին, պետական եկամուտների կոմիտեի աշխատակիցներին:
Պետական եկամուտների կոմիտեի օպերատիվ հետախուզության վարչության ավագ օպերլիազոր Հովհաննես Գրիգորյանն ասել է, որ «Կարատ» ՍՊԸ-ում 2010 թվականի ապրիլի 6-ից մինչև մայիսի 20-ը կատարվել է ստուգում: Կազմվել է համապատասխան ակտ, հարուցվել է քրեական գործ: Բայց անպատասխան է մնում հարցը, թե ինչու Սամվել Հարությունյանը պետք է պատասխան տա 2010 թ-ի մայիս ամսվա չափագրումների համար, երբ նա աշխատանքից ազատվել է ապրիլ ամսին: Եվ ինչու 2010 թվականի չափագրումները հաշվի առնվելով քննվում է 2009 թ-ի հոկտեմբեր-նոյեմբեր ամիսների ապրանքաշրջանառությունը:
Դատաքննությունը շարունակվում է:
HayNews.am
No comments:
Post a Comment