Մոտ երկու ամիս է, ինչ Վանաձոր խոշորացված համայնքի թիվ 24 մանկապարտեզի տնօրենի ժամանակավոր պաշտոնակատար է նշանակվել Գոհար Նալբանդյանը։ Իր առաջին մեծ միջոցառումներից մեկի ընթացքում նա իր սրտի խոսքն ուղղեց ավագ «Ա» խմբի սաներին և նրանց դաստիարակ Սուսաննա Զուլալյանին։
«Մանկության հեքիաթի ավարտ» խորագիրը կրող միջոցառուման ժամանկ ավագ «Ա» խմբի սաները գեղեցիկ խոսքերով իրենց շնորհակալությունը հայտնեցին տնօրենի ժամանակավոր պաշտոնակատար Գոհար Նալբանդյանին, իրենց դաստիարակ՝ Սուսաննա Զուլալյանին, երաժշտական բարձր ճաշակի ձևավորման գործում մեծ ներդրում ունեցած երաժշտական դաստիրակ ՝ Ռոզա Ամիրբեկյանին, բանիմաց մեթոդիստ Նաիրա Հովսեփյանին, բուժքրոջը, խոհարարներին, որոնք ամեն օր երեխաների համար պատրաստել են համեղ, առողջարար և վիտամիններով հարուստ ուտեստներ։
Միջոցառման կազմակերպման ընթացքում դաստիարակ Սուսաննա Զուլալյանին իր մասնագիտական և մեթոդական խորհուրդներով օգնել է մեթոդիստ Նաիրա Հովսեփյանը։ Պարային համարների բեմադրության հարցում էլ մեծ աջակցություն է ցուցաբերել պարուսույց՝ Կատրինա Հարությունյանը, որին դիմել էին խմբի ծնողները։
Միջոցառման ավարտին տնօրենի ժամանակավոր պաշտոնակատար Գոհար Նալբանդյանը բարի ճանապարհ մաղթեց սաներին՝ նշելով, որ մանկապարտեզի դռները միշտ բաց են լինելու նրանց առջև, և այստեղ նրանց միշտ սիրով են սպասելու։
Այնուհետև երեխաները, իրենց համազգեստի գույներին համապատասխան փուչիկներ բաց թողնելով դեպի կապույտ երկինք, Ամենակարող Աստծուց աղոթեցին խաղաղության, լուսավոր ապագայի և երջանիկ մանկության համար։
No comments:
Post a Comment