Վանաձորի Տիկնիկային թատրոնի տնօրեն Սևակ Սարգսյանը մեծ սիրով  ընդառաջ գնաց Միլենա Մանուկյանի մտահաղացմանը և իր հարկի տակ ընդունեց Վանաձորի Հովհ. Թումանայնի անվան թիվ 3 հիմնական դպրոցի 9-րդ դասարանի և Պ. Տիչինայի անվան թիվ 20 հիմնական դպրոցի 8 -րդ և 9 -րդ դասարանների աշակերտներին: 

Միլենա Մանուկյանը շնորհակալություն հայտնեց դպրոցի տնօրեններ Հեղինե Կոստանյանին և Նաիրա Բարիկյանին և, իհարկե, թատրոնի տնօրեն Սևակ Սարգսյանի իր գաղափարը իրականություն դարձնելու համար:

Հանդիպման նպատակն էր աշակերտներին տեղեկացնել քաղաքի նման մեծ մշակութային  արժեքի, տիկնիկային թատրոնի պատմության մասին և ծանոթացնել այն գաղտնի հատվածներին, որոնք հանդիստեսի համար անհասանելի են: 

Տնօրեն Սևակ Սարգսյանը  հակիրճ պատմական անցում կատարեց , այնուհետև  ծանոթացրեց թատրոնի ներկայիս հիանալի շենքային պայմաններին, որը շատ թատրոների համար երազանք է: Աշակերտները նաև հնարավորություն ունեցան տեսնելու տիկնիկների հետ աշխատելու որոշ հմտություններ:

Սևակ Սարգսյանը իրազեկեց նորամուծությունների մասին՝ առաջարկելով 2-3 ամսից այս նույն խմբովայցելել թատրոն բեմի հետնամասից հանդիսատես լինելու նպատակով: Բնավ, և՛ աշակերտները, և՛ այն ուսուցիչները, ովքեր ուղեկցում էին աշակերտներին, սիրով ընդունեցին առաջարկը:

Ամփոփելով իր խոսքը՝ Սևակ Սարգսյանը աշակերտների կոչ արեց՝ ինչ մասնագիտություն էլ, որ ընտրեն, երբեք չդադարեն ինքնակրթվել, եթե ցանկանում են իրենց ասպարեզում լինել առաջատարներից:

Բարձր տրամադրությամբ և շնորհակալ խոսքեր միմյանց փոխանցելով՝ աշակերտները հեռացան Վանաձոր քաղաքի ամենագեղեցիկ մշակութային օջախից ՝ տիկնիկային թատրոնից , որտեղ տիրում է միմիայն սեր, ջերմություն  և հիանալի պայմաներ:

23.01.2025